SUCCESS STORY OF VIOLETA B. CORPUZ

Si Ginang Violeta B. Corpuz, 43, nakapagtapos ng kursong B.S. Accountancy, asawa niya si Richard I. Corpuz, 44, high school graduate. May anak na dalawa-sina Joey B. Corpuz,16, high school graduate at Jessa Mae B. Coarpuz, 13, ngayon ay nag aaral sa high school.

Si Ginang Violeta B. Corpuz ay isa sa limampu’t apat na miyembro ng Gais, Guipe 2 ng Alaminos Branch. Siya ay naka limang cycle na ng loan sa RSPI. Bawat loan ni Ginang Corpuz ay ginagamit niya sa pandagdag puhunan niya sa isang munting negosyo sa palengke ng bayan ng Dasol, Pangasinan.  Sa bawat pag-ikot ng kanilang kabuhayan, ang kanilang maliit na negosyo ay unti-unting lumalago. Ang kanilang pwesto sa Dasol ay siya ring naging daan sa unti-unting pagbabago ng kanilang pamumuhay. Ang kanilang barong-barong ay unti-unting nabubuo at nagiging bahay na bato.

Hindi naging hadlang ang kahirapan sa buhay ni Ginang Violeta, at hindi rin naging hadlang ang kahirapan upang bumuo ng isang pangarap. Kahirapan sa buhay ang siyang humulma sa kanya upang maging matatag sa buhay. Kahirapan din ang sumubok sa kanya upang maging matalino at mahusay sa pagpapalago ng kanyang negosyo.

Si Ginang Corpuz ay isang mabuting miyembro ng RSPI na kahit sinubok man ng panahon patuloy parin siyang matatag at tumatayo. Dahil sa dagdag puhunan na galing sa RSPI ang buhay niya ngayon ay umuunlad na.